Okuw tejribe merkezleri
Balkan lukmançylyk orta okuw mekdebiniň Balkan welaýatyň saglygy goraýyş edaralarynda şu okuw tejribe otaglary hereket edýär:
Balkan welaýat Köpugurly hassahanasy
Balkanabat şäheriniň 189-njy ýaşaýyş jaý toplumynyň Hassahanalar şäherçesi
Balkan welaýat Köpugurly hassahanasy welaýatyň iň uly we köpugurly ýatymlaýyň bejergi berýän edarasy bolup, mekdebiň ähli ugurlarda okaýan talyplar diňe tejribeliklerde dälde eýsem okuw döwründe hem hökmany nobatçylyklaryny amala aşyryarlar. Okuw otagy hassahanaň 3 gatynda ýerleşýär. Bu otagda talyplar we mugallymlara resminamalary alyp barmak üçin okuw tagtasy, stollar, oturgyçlar niýetlenen, otag howasyny sazlamak üçin sowadyjy enjam bilen enjamlaşdyrylan. Otagda okuwda gerek bolýän ähli ugurlardan tablisalar, banerler we suratlar, talyplara öwrenmek üçin niýetlenen amaly endikleriň gurallary we fantomlary, derman serişdeleri, sargy we ýaralary tikmek üçin gerek bolan materiallar ýerleşdirilen.
“Ene Mähri” merkezi
Balkanabat şäheriniň 215-nji jaýlar toplumy Uzboý köçesi
“Ene Mähri” merkezi iň täze anyklaýyş enjamlary, gurallary bilen upjün edilen, enelere we çagalara döwrebap usullarda kömek bermeklige niýetlenen saglygy goraýyş merkezi. Okuw otagy hassahananyň 1-njy gatynda ýerleşýär. Otag amaly sapaklary özleşdirmek üçin zerur bolan maketler, jedweller, diwarlyklar, gurallar we abzallar bilen üpjün edilen.
Beýik Saparmyrat Türkmenbaşy adyndaky saglygy goraýyş anyklaýyş merkezi
Balkanabat şäheriniň 198-nji jaýlar toplumy Uzboý köçesi
Bu merkezi welaýatyň iň täze anyklaýyş we bejriş enjamlary bilen abzallaşdyrylan merkezi bolup, bu merkezde “Laboratoriýa anyklaýşy” hünäriniň talyplarynyň okamaklygy we tejribeligi geçmekligi üçin ähli mümkinçilikler döredilen. Okuw otagy hassahanaň 2 gatynda ýerleşýär. Talyplar merkeziň barlaghanalarynda we beýleki bölümlerinde öz tejribelerini ýokarlandyrýarlar.
Balkan welaýat Enäniň we çaganyň saglygyny goraýyş merkezi
Balkanabat şäheriniň 189-ýaşaýyş jaý toplumynyň Hassahanalar şäherçesi
Bu hassahana eneleriň we çagalaryň saglygyny goramakda iň öňdebaryjy hassahana bolup, ähli etrap-şäherleriň hassahanalaryna bejeriş we usuly kömegini berýär. Okuw otagy hassahanaň 3-nji gatynda ýerleşýär. Bu otagda ähli şertler döredilen. Otag okuwda gerek bolýän maketler tablisalar, banerler we suratlar bilen ornaşdyrylan. Otagda talyplara öwrenmek üçin niýetlenen amaly endikleriň gurallary we abzallary,derman serişdeleri,sargy materiallary, çagalary gundamak üçin serişdeler,göwreli aýallaryň dogrumlaryny kabul etmeklik üçin gurallar we enjamlar ýerleşdirilen.
Balkan “Gaýragoýulmasyz tiz kömek” merkezi
Balkanabat şäheri 215-nji ýaşaýyş jaý toplumy
Ylmyň iň öňdebaryjy usullary boýunça gurlan, häzirki zaman anyklaýyş we bejeriş enjamlary bilen üpjün edilen . Bu merkez ilata gaýragoýulmasyz kömegi bermek üçin niýetlenendir. Merkezde 1 okuw otagy ýerleşýär. Bu otagda talyplar we mugallymalar sapak geçmek,resminamalary doly we dogry ýöredilşini öwrenmeklik üçin, “Tiz kömek” awtoulagy arkaly mugallymlaryň we lukmanlaryň gözegçiliginde hassalara kömek bermekligi öwrenmek üçin ähli şertler döredilendir. Otagda talyplara öwrenmek üçin niýetlenen amaly endikleriň gurallary we abzallary,gaýragoýulmasyz ýagdaýlarda ilkinji kömek üçin niýetlenen fantomlar, derman serişdeler ýerleşdirilen.
Balkan welaýat Iç keseller hassahanasy
Balkanabat şäheriniň 145-nji ýaşaýyş jaý toplumy
Bu hassahana Balkan lukmançylyk orta okuw mekdebiniň golaýynda ýerleşýänligi üçin talyplaryň sapaklardan soň amaly endiklerini öwrenmek üçin, näsaglara dürli em etmek üçin amatly, mugallymlaryň goşmaça sapaklaryny okatmak, tomusky we Döwlet tejribeliginde beýleki hassahanalar bilen bir hatarda baza bolup gulluk edýär.
Balkanabat şäheriniň №1-nji saglyk öýi
Balkanabat şäheriniň 189-njy ýaşaýyş jaý toplumy Hassahana şäherçesi
Balkanabat şäheriniň №1-nji saglyk öýi hem lukmançylyk mekdebiniň golaýynda ýerleşýändigi sebäpli talyplaryň saglyk öýleriň işini öwrenmeklikde amatly bolup durýar. Bu edarada talyplar elektron resminamalary ýöretmekligi öwrenmek üçin ähli şertler döredilen, saglyk öýüniň gaýragoýulmasyz kömek nokadynda 1 ýaşa ýetmedik sagdyn çagalara öýlerine baryp lukmanlaryň gözegçiliginde sanjymlary ýerine ýetirip ideg etmekligini öwrenýärler.
“Mollagara” şypahanasy
Balkan welaýatynyň Balkanabat şäheriniň Mollagara şypahanasy
Balkanabat şäheriniň golaýynda ýerleşýän bu şypahana talyplaryň “Fizioterapiýa, massaž we bejeriş bedenterbiýe”, ”Fitoterapýa”, “Akuşerçilik”, “Terapiýa”, “Pediatriýa” derslerinde duş gelýän käbir keselleri bejermekde Mollagara palçygynyň, duzly suwynyň täsirini öwretmeklige ýardam berýar.
“Bejeriş palçyklaryny we deňiz duzuny gaplaýan” kärhana.
Balkan welaýat Jebel şäherçesi
Saglygy goraýyş ulgamynyň ösüş ugurlary halky ýokary hilli we howpsyz derman serişdeleri bilen üpjün etmek, ýurdumyzda önderilýän dermanlaryň sanyny köpeltmek maksady bilen kärine ussat başarjaň hünärmenleri taýýarlamakda, “Bejeriş palçyklaryny we deňiz duzuny gaplaýan” kärhana Balkanabat şäheriniň golaýynda ýerleşip Farmasiýa hünäriniň talyplarynyň amaly sapagy özleşdirmegi üçin özüniň häzirki zaman ülňilerine gabat gelýän enjamlary bilen baza hökmünde ýardam berýär.
